Стомакот е секако најкритичната зона на нашето тело, веднаш до бутовите и задникот, и треба многу напор за да остане рамeн и привлечeн. Ви донесуваме 10 тајни за рамен стомак кои ги откриваат нутриционистите.
Експертите велат дека кај жените дигестивниот тракт е подолг и позаоблен отколку кај мажите, па затоа жените треба да водат посебна грижа за да го одржуваат стомакот рамнен и привлечен. Заборавете на надуеност, запек и чувство на тежина во стомакот.
Следете ги нашите совети и нема да имате проблеми.
1. Не прескокнувајте оброци, носете ужина
Досега многу пати сме пишувале дека прескокнувањето оброци во никој случај не е добро за нашиот стомак бидејќи во повеќето случаи тоа доведува до прејадување во подоцнежните часови кога стомакот е помалку активен. Ако знаете дека поголемиот дел од денот ќе го поминете надвор, спакувајте лесна закуска. Не мора да бидат големи оброци, овошје и ореви ќе бидат доволни.
2. Јадете малку, но често
Малите оброци на секои 3-4 часа ќе ве одржат сити цел ден без напади на глад и ќе му дадат на стомакот доволно време да се испразни помеѓу оброците.
3. Поделете го делот
Поделете го вашиот стандарден оброк на два дела и изедете го со растојание од неколку часа.
4. Јадете порано
Ако излезете во ресторан, нека биде подоцен појадок или ручек наместо вечера.
5. Поставете „полициски час“ за вечера
Контракциите на желудникот што ја сочинуваат првата фаза на варење на храната значително се намалуваат откако ќе се стемни, па обидете се да вечерате порано.
6. Почекајте неколку часа
Никогаш не вежбајте и не легнувајте веднаш по оброкот, почекајте неколку часа бидејќи ниту трчањето ниту лежењето не е добро на полн стомак.
7. Одете на прошетка
Кратка прошетка после оброк сигурно ќе го подобри варењето. Не грижете се, не препорачуваме маратон, туку брза прошетка околу одморалиштето или до блискиот парк и назад.
8. Ограничете го внесот на масна храна
Празнењето на стомакот во голема мера се забавува со храна што содржи големи количини на маснотии, како што се: месо, сирење и крем сосови. Ограничете го внесувањето на оваа храна на минимум.
