Пет едноставни работи кои ќе овозможат вашата куќа да изгледа тип-топ секој ден
Чистењето на куќата е мачна работа која никој не ја сака. Но, ако ги следите овие совети, ќе заборавите на напорните часови поминати во чистење.
Чист и уреден дом е нешто за кое често им завидуваме на другите. Во исто време, овие луѓе не поминуваат со часови и часови секоја недела брзајќи низ станот со правосмукалка и со чистење со крпи. Потребни ви се само неколку секојдневни активности кои треба да ви станат навика за станот секогаш да ви биде уреден.
Наредете ги садовите во машината за миење садови
Уверете се дека машината за миење садови е секогаш празна и дека садовите се на своето место. Ова ќе спречи таложење на валкани садови во кујната и во мијалникот. Освен тоа, секогаш ќе имате чисти садови при рака.
Наместете го креветот наутро
Пред да излезете од дома и да започнете со вашите дневни обврски, излезете од спалната соба дури откако ќе ја исчистите. Потребни ви се две минути за да го наместите креветот наутро. Собата веднаш ќе изгледа посредено. Зарем не е прекрасно чувството да лежите во убаво наместен кревет навечер?
Користете корпи
Брзо и често се среќаваат разни ситници расфрлани низ станот кои придонесуваат за неуреден изглед на домот. Понекогаш се работи за писма (пликови) и каталози расфрлани низ дневната соба, клучеви на комоди и сл. Овие ситници ги има насекаде во куќата, па затоа набавете корпи или кутии во кои ќе ги чувате.
Веднаш ставајте ја облеката во плакарите
По напорниот работен ден ја соблекуваме облеката и ја оставаме на стол во спалната соба. Истото може да се повтори и наредниот ден, па за брзо време се појавува убава планина од облека. Од таа причина, навикнете се веднаш да ги ставате валканите алишта во корпата за перење, а останатите работи во плакарот. Ова важи и за чевли и јакни и за друга облека.
Оставете ја кујната чиста навечер
Ако навечер готвите нешто, а по оброкот се нишате на софата опуштено, тоа е одлично чувство. Сепак, наредниот ден ќе забележите дека кујната не е исчистена. Затоа, по јадењето, одвојте малку време, измијте ги садовите (или ставете ги во машина за миење садови) и исчистете ги работните површини . Наредниот ден нема да има непријатни мириси , а наутро ќе имате убаво чувство бидејќи кујната ќе свети и нема да имате обврска да ја чистите.
