Кога станува збор за нега на кожата, има многу што да направите за себе, што не вклучува скапи третмани во салони за убавина и разни креми кои малкумина можат да си ги дозволат. Инвестирајте мудро и обезбедете и на вашата кожа апарати кои ќе ви помогнат да бидете свој дерматолог.
Не е важно дали сакате да заштедите пари или едноставно сакате да се грижите за здравјето на вашата кожа, да спречите формирање на брчки и акни, нашите совети сигурно ќе ви бидат од голема помош да станете сам свој дерматолог. Размислете за набавка на уред што ќе биде ваша долгорочна инвестиција и кој ќе ви помогне да ја подмладите кожата, да спречите формирање на брчки и акни.
Супер чистачи
Неодамна, на пазарот се појавија разни средства за чистење на лицето, што во голема мера ќе го олеснат и забрзаат деталното отстранување на нечистотијата од вашето лице. Овие четки изгледаат како големи четки за заби на батерии кои ја отстрануваат целата насобрана нечистотија од лицето, ја масираат кожата и и го враќаат сјајот. Со помош на овие уреди, ќе ја подготвите кожата за третман со серуми и креми и ќе ги отстраните мртвите клетки.
Доколку имате многу сува кожа, внимавајте да не го користите апаратот премногу често и предолго бидејќи може да предизвика иритација, а истиот случај е доколку имате кожа склона кон акни.
Апарат за третман на акни
Овие уреди станаа апсолутен хит кај сите оние кои страдаат од акни затоа што се одлична алтернатива на антибиотиците и ретиноидите кои обично се даваат за лекување на акните. Повеќето од овие уреди лекуваат акни со помош на ласерска светлина, истата што се користи во професионални салони за убавина. Овие домашни апарати сè уште емитуваат помалку светлина од професионалните, така што ќе ви требаат повеќе третмани, но ефектот дефинитивно ќе биде видлив.
Лошата страна на ваквите уреди е тоа што нивната употреба е ограничена на лекување на акни и не вклучува елиминација на црни точки и цистични акни.
Побарајте ги и купете ги овие апарати ако имате проблематична кожа. Цените на почетокот може да изгледаат превисоки за нашите стандарди, но на долг рок, сигурно ќе ги намалите посетите на козметичарот и со тоа ќе заштедите пари.
