Чизкејк е прекрасна, лесна и вкусна торта, а особено им се допаѓа на домаќинките бидејќи не мора да се пече. Таа е идеална за секојдневниот живот, но исто така и за прослави на родендени или други специјални прилики. Овој рецепт е едноставен и брз за подготовка, и ќе ги собори од нозе сите членови на домаќинството.
Состојки за чизкејк:
- 300 грама бисквити
- 150 грама маргарин (собна температура)
- 150 грама шеќер во прав
- 150 мл сок од портокал
За фил :
- 300 мл слатка павлака
- 100 грама шеќер во прав
- 500 грама крем сирење
- 150 грама павлака
- 1 желатин
- 50 мл вода
Овошен фил :
- 300 грама малини
- 300 мл вода
- 5 лажици шеќер
- 1 желатин
Подготовка:
Изматете го маргаринот со шеќер во прав во миксер , додадете 300 грама мелени бисквити и сок од портокал. Мешајте убаво да се соедини. Ставете обрач со дијаметар од 26 см.
Вака подготвеното бисквитно тесто развлечете го и израмнете го со лажица, па држете го во фрижидер додека го правите белиот фил.
Измешајте го желатинот со 50 ml вода и оставете ја да отстои десетина минути . Во меѓувреме, изматете ја слатката павлака.
Во друг сад изматете го крем сирењето со шеќер, па додадете ја павлаката . Комбинирајте ја изматената слатка павлака со крем сирењето.
Топете го желатинот во пароброд или во микробранова печка. Земете две или три лажици од фил и истурете го во стопениот желатин, измешајте, па дури потоа додадете го во фил и добро измешајте.
Истурете го филот врз кората и лесно премачкајте да не останат дупки.
Ставете малини, вода и шеќер во шерпата. Мешајте 10 минути на тивок оган додека не се појави пена што треба да ја отстраните. Додека се готви преливот, стопете го желатинот како за белиот фил и лесно измешајте го во вареното овошје.
Оставете да се излади десет минути, а потоа истурете го врз белиот фил.
Ставете го чизкејкот во фрижидер неколку часа.
Пријатно !
