Дали знаете како Никола Тесла го тренирал мозокот ?
Никола Тесла е најпознат по својот придонес во дизајнирањето на електричниот систем на наизменична струја, но покрај тоа тој имаше околу 300 патенти за разни пронајдоци.
За време на неговиот живот, Тесла постојано работеше на проекти и често ги реализираше до крај. Имал и необични навики како спиење само два часа. Сепак, она што тој го постигна не би било можно без строг пакет правила за зголемување на продуктивноста.
1. Размислете добро пред да преземете нешто
Никола Тесла честопати велеше дека може да замислува машини и ретко црташе цртежи пред да започне со работа на нивната конструкција. Овој процес на визуелно размислување не е вообичаен за сите луѓе, но основната идеја е дека едноставно треба да се концентрирате на крајната цел. Креативното размислување честопати бара релаксација и работење на проблем во главата.
Во својата автобиографија, Тесла ја опишува постапката како што следува:
– Мојот метод е различен. Не брзам со конкретни дела. Кога ќе добијам идеја, веднаш почнувам да ја градам во мојата фантазија. Ја менувам конструкцијата, ја поправам и работам машината во главата. За мене е сосема ирелевантно дали ја тестирам турбината во главата или во работилница. Забележувам дури и ако не ми оди добро. Нема разлика, а резултатот е ист – напиша Тесла.
Големиот научник не е роден со овие вештини, но како дете правел одредени вежби за подобрување на функцијата на мозокот, пишува Дневно .
2. Одете на прошетка
Познато е дека одењето на кратка прошетка има свои предности кога станува збор за креативноста. Тесла, исто така, го имаше ова мислење и иако неговите прошетки станаа дел од неговото опсесивно-компулсивно однесување, тој имаше неколку моменти на „еурека“ за време на нив.
3. Работете на проблемите сами
Како и многу иноватори и креативни ликови, Тесла ја застапуваше тезата дека треба да се биде сам за време на создавањето и размислувањето.
Еве еден од неговите познати цитати:
– Умот е поостар и посконцентриран во осаменост и непрекината осаменост. Не е потребна голема лабораторија за размислување. Оригиналноста доаѓа од осаменоста без влијание што му штети на нашиот креативен ум . Бидете сами, тоа е тајната на пронаоѓачот, бидете сами, тогаш се раѓаат идеи – тврди Тесла.
