Дали знаевте дека сината боја е поврзана со интелигенцијата?
Сината е една од боите на спектарот што човечкото око ја гледа и во тој спектар се наоѓа помеѓу виолетовата и зелената боја. Таа е една од трите основни бои, заедно со црвената и со жолтата. Сината бранова должина во спектарот е меѓу 420 и 490 нм.
Сината боја е поврзана со интелигенцијата и со одредени форми на знаење. Исто така, филозофијата е претставена со оваа боја. Во јудео-христијанската традиција, сината боја е симбол на чистота и невиност, додека во англосаксонските земји, таа е поврзана со тага и меланхолија. Оттука доаѓа и името за блуз музика.
Сината боја низ историјата
Сината боја веќе долго време се користи во уметноста и во декорацијата. Полускапоцениот камен лапис лазули, кој доаѓа од рудник во Авганистан, се користел во древниот Египет за накит и за украси, а подоцна, во ренесансата, за пигментот ултрамарин, најскапиот од сите пигменти. Во Средниот век сината боја на кобалт се користела за боење на витраж во катедрали.
Во почетокот на 9 век, кинеските уметници користеле кобалт за сино-бел порцелан. Синаta боја за боење облека во Европа е добиена од растението atissatis tinctória, а индиго се користело во Азија и vo Африка. Во 1828 година се разви синтетички ултрамарин пигмент, а синтетичките сини пигменти постепено ги заменија минералните пигменти од растително потекло.
Пјер-Огист Реноар, Винсент ван Гог и други сликари, кон крајот на 19 век користеле ултрамарин и сина боја на кобалт не само за прикажување на природата туку и за создавање расположенија и емоции.
Кон крајот на 18 и во текот на 19 век, сината стана популарна боја за воените и полициските униформи. Во 20 век, сината боја обично се поврзува со хармонија, па затоа е избрана како боја на знамето на Обединетите нации и на ЕУ. Кон крајот на 20 век, темносината ја замени темносивата, како највообичаена боја за работнички костими. Истражувањата покажаа дека сината е најмногу поврзана со машкоста, заедно со црната, но и со интелигенцијата, знаењето, смиреноста и концентрацијата.
Истражувањата во САД и во Европа покажуваат дека сината боја најчесто симболизира хармонија, верност, доверба, далечина, бесконечност, имагинација, студенило, а понекогаш и тага. Анкетите покажуваат дека во САД и во Европската унија сината е најпопуларната боја. Речиси половина од мажите и жените ја избраа сината како нивна омилена боја.
Користете сина боја и визуелно зголемете го просторот
Енергијата што ја емитираат повеќето нијанси на сина е смирувачка. Оваа боја го намалува крвниот притисок, го забавува пулсот и дишењето. Затоа сината боја е идеален избор за спалната соба, бањата и за сите простории што се користат за релаксација или за медитација. Сината боја го смирува мозокот, ја поттикнува креативноста и учењето, па затоа дизајнерите често ја препорачуваат за канцелариски и деловен простор.
За простории каде што се планира поголема активност (како што се дневната соба и кујната), сината боја не е добро решение бидејќи може да направи да се чувствувате слаби, па дури и депресивни. Интересно, на синото му се припишува својството да влијае на намалувањето на апетитот. Се претпоставува дека причината е тоа што, практично, нема сина храна во природата.
Напротив, сината боја на храната предупредува дека е отровна или расипана, така што кај луѓето е врежана информацијата дека треба да избегнуваат таква храна. Затоа нутриционистите препорачуваат луѓето кои се на диета да јадат од сини чинии и на тој начин да консумираат помали количини храна.
Сината боја е совршен избор за тесни простории со мали димензии бидејќи како и сите ладни бои, визуелно ги проширува и ги зголемува просториите. Покрај тоа, може да придонесе за чувство на пониска температура во просторијата, па дури и да влијае врз намалување на телесната температура.
Сигурно не сте го знаеле ова за сината боја
Сината боја се наоѓа во различни нијанси, а имињата најчесто им ги даваат Французите. Значи, кога велите сина, всушност мислите на сино-сина, индиго сина, темносина, ноќна сина, небесно сина, паун сина, кобалт сина, патина сина, тиркизна… Ако кревате тегови, научно е докажано дека ќе можете да кренете повеќе килограми ако тоа го правите во простор обоен во сино.
Истражувањата покажуваат дека комарците ја сакаат сината боја и „посетуваат“ соби во овие тонови двапати повеќе од собите во останатите бои. Бувовите се единствените птици што гледаат сино.
Дали ве интересира како би изгледале некои од сините нијанси на ѕидот во одредена просторија? Или дури и во комбинација со некоја друга боја? Сега, со помош на нашата компјутерска програма и малку фантазија, можете да го направите сето ова, па дури и повеќе … Насликајте ја просторијата што сакате да ја дизајнирате и со помош на богата палета на бои на Максима, создајте ја вашата идеална комбинација.
