Децата кои ручаат со своите родители не се жртви на зависност.
Обидете се да уживате во семејните ручеци со вашите деца колку што е можно почесто.
Поради брзото темпо на живот и преголемиот број обврски, на многу семејства денес не им е лесно да ги соберат сите членови од семејството на масата во исто време.
Ручекот во семејниот дом е подобар
Ако малите деца јадат дома, ќе стекнат здрави навики во исхраната, а тоа ќе ги спаси од дебелина, која е сè поприсутна кај децата и кај младата популација. Истражувањата покажаа дека луѓето коишто јадат претежно дома, избегнуваат брза храна и колачи и имаат многу помали шанси да станат дебели.
Доволно е да се знае дека храната подготвена во рестораните содржи околу 60 проценти повеќе калории од онаа што е подготвена дома.
Храната во рестораните е покалорична
Врз основа на резултатите од студијата во која учествуваа деца на возраст од 9 до 14 години, беше откриено дека оние деца кои ручаат дома, со своите родители, јадат помалку пржена, нездрава храна и пијат помалку сокови. Нивната исхрана се базира на зеленчук и на клучни хранливи материи, калциум, железо и влакна. Покрај тоа, тие пијат повеќе вода и помалку сок. Јадењето со семејството е одлична можност за децата да се запознаат со разновидната храна и да пробаат нови вкусови.
Децата кои ручаат со родителите не се оддаваат на пороци
Научниците докажаа дека честите семејни ручеци имаат моќ да го намалат ризикот од појава на депресија и нарушувања во исхраната. Децата кои ручаат дома, со своето семејство, можат да се бранат дури и од пороци.
Имено, научниците утврдиле дека децата кои ручаат со своите родители најмалку петпати неделно, подоцна во животот многу поретко одлучуваат да пушат и да конзумираат алкохол и дрога. Тинејџерите кои ручаат со своите семејства помалку од трипати неделно, имаат зголемен ризик од употреба на дрога (три и пол пати повеќе од нивните врсници). Кај нив, веројатноста за посегнување по наркотични средства и марихуана е трипати поголема, а шансите да почнат да пушат цигари и да пијат алкохол се поголеми за два и пол пати.
Научниците докажаа дека и помладите и постарите луѓе кои редовно ручаат со своите семејства, имаат помалку проблеми со стресот бидејќи добиваат поддршка од најблиските.
