Игор Горко — инструкторот за козметикологија и фотографирање, ни упатува многу убава порака: „Пулете си ја својата работа и поарно ќе ви е“.

Слични

Теологот Ацо Митев Ви порачува: надежта е сеуште на дофат, но единствено преку Исус Христос

Во моментите кога притисокот од секојдневните проблеми се надополнува...

Сподели

Ви го пренесуваме најкусото и наједноставното интервју што може да се прочита.

Имавме чест да поразговараме со битолчанецот Игор Горко — инструктор за козметикологија и фотографирање.

Игор Горко е една, навидум, едноставна личност, но со посебни способности, вештини, таленти и желби. Тој е човек што сака големи и тешки предизвици. Со еден збор чудак, чудо од човек. Имавме можност да го запознаеме подобро и од малку поинаков агол.

Уживајте во интервјуто со стилистот и фотограф, Игор Горко!

 

FLIP: Како би се опишале самите себе со еден збор? Зошто се одлучивте за овој опис?

ИГ: Чудак. Јас сум човек што сака големи, тешки предизвици. Никогаш не ме привлекувале едноставните работи.

 

FLIP: Која е Вашата прва љубов? За што се интересиравте во раниот детски период?

ИГ: Мојата прва и најголема љубов е фотографијата.

 

FLIP: Кога и како се роди љубовта кон фотографијата?

ИГ: Уште како дете му го крадев фотоапаратот на дедо ми. Почнав да пројавувам поголем интерес за фотографијата и да се занимавам со фотографија аматерски, од 12-годишна возраст. Подоцна студирав 5 години на Институтот за фотографија — Њујорк. Сфатив дека фотографијата ми е неизбежност, потреба зашто заклучив дека не сум задоволен од другите „професионалци“ во оваа област.

 

FLIP: Дали, освен со фотографија, се занимавате и со нешто друго?

ИГ: Да. Се занимавам и со шминкање. Фотографијата и шминкањето се две неразделни професии кои меѓусебно се надополнуваат една со друга.

 

FLIP: Имате Ваша агенција за мода. Кажете ни нешто повеќе за неа.

ИГ: Да. Постои Модната агенција Горко. Таа се случи од потреба, а се отвори во соработка со Модел-менаџмент Милано.

 

FLIP: Што Ве исполнува повеќе: фотографирањето или шминкањето?

ИГ: Како што спомнав претходно, фотографирањето е мојата прва љубов. Шминкањето, исто така, е дел од мојот живот. Во двете дејности сум онаа вистинската личност.

 

FLIP: Како да свртиме кон подобро?

ИГ:  Пулете си ја својата работа. Ако си ја пулиме сопствената работа, поарно ќе ни е.

Фотогалеријата од неговата работа е дадена подолу:

 

error: Content is protected !!