Како да имате добро здравје во периодот на менопауза?

Слични

Заборавете на немирните ноќи и вртењето додека спиете

Заборавете на немирните ноќи и вртењето додека спиете. Водич за...

Најмоќниот чистач за организмот

Најмоќниот чистач за организмот. Традиционален рецепт за напиток кој ќе...

Дали е корисно да се пие кефир ноќе?

Дали е корисно да се пие кефир ноќе? Вистина или...

4 знаци кои откриваат вишок сол во телото

4 знаци кои откриваат вишок сол во телото. Самата сол...

Туна или лосос: што е поздраво?

Туна или лосос: што е поздраво? Прашање на денот! Зошто е...

Сподели

Како да имате добро здравје во периодот на менопауза?

Менопаузата кај жените обично се јавува околу 50-тата година од животот, но не значи дека возраста е точно определена. Тешките топли бранови и нарушувања на спиењето како два главни симптома на менопаузата, обично, се најтешки.

Познато е дека нивото на мелатонин се намалува со возраста, а тој може да доведе до полош квалитет на сонот и до појава на депресија. Други вообичаени симптоми на менопаузата се: замор, болки во мускулите или губење на меморијата.

Понекогаш, симптомите и промените се провлекуваат низ животот на жените уште во раните четириесетти години. По појавата на симптомите и на овие сериозни промени, многу жени не можат да функционираат и да ги извршуваат сите свои обврски во текот на денот.

Многу истражувања покажаа дека една петтина од жените побарале одмор од работа од неколку дена откако се појавиле првите знаци на менопауза, а една од 50 жени користела и боледување подолг период.

Во студијата на здравствената клиника Нуфилд, од вкупно 3 275 жени, половина признале дека се депресивни, а повеќе од една третина се бореле со анксиозноста. Дополнителен проблем е тоа што, многу жени, а и нивните гинеколози не препознаваат дека се работи за симптоми на менопауза.

Докторката и специјалистката за менопауза, Ени Еванс, истакнува дека овој период премногу често се означува како животен факт. Таа додава дека дури ниту лекарите не се свесни колку сериозно може да влијае менопаузата врз секојдневниот живот на жените.

Студијата покажа и дека само една петтина од жените примале хормонска терапија дадена од нивните гинеколози за да можат да се справат со промените што ги носи менопаузата. Инаку, истражувањата потврдиле дека овие лекови помагаат во зачувувањето на срцето и на коските.

Експертите сметаат дека во периодот на менопауза потребно е да се промени начинот на живот.

За да го зачувате вашето здравје, особено е важно да внимавате на редовната физичка активност и на квалитетната здрава исхрана. Тоа се однесува најмногу на болести како што се: деменција, остеопороза, срцеви заболувања и дијабетес. Тие се  најчести последици од влегувањето во менопауза и од негрижата за здравјето.

Меѓународната асоцијација за менопауза, поради сите овие причини, ги охрабрува жените да земаат хормонска терапија, иако низ годините имаше многу дебати за тоа дали тоа е здрава опција.

На Универзитетот Колумбија во Њујорк, здружението спроведе студија која покажа дека кардиоваскуларните проблеми и остеопорозата се последица на лошиот начин на живот по влегувањето на жените во менопауза.

„Менопаузата е можност секоја жена да го преиспита својот животен стил бидејќи малите промени можат да имаат голем ефект. Јадете поздраво и движете се повеќе и внимавајте на пороците како алкохолот“, вели водачот на таа студија, Роџер Лобо.
И тој и други експерти препорачуваат да се поттикне мозокот на вежби преку читање или решавање загатки, што е многу корисно во борбата против деменција.

error: Content is protected !!