Како да ја спречите гојазноста кај децата?
Еден од најголемите проблеми кај децата во последните неколку години е проблемот со гојазноста.
Поради брзиот начин на живот и големиот број обврски, родителите, често, не можат да подготват посебни оброци за своите деца, па дебелината станува сè поприсутна.
Дебелината може сериозно да го наруши вашето здравје.
Клучот за решавање на овој проблем лежи во подучувањето на децата од најмала возраст за правилна и урамнотежена исхрана.
Родителите треба да внимаваат повеќе на исхраната на своите деца.
Првин треба да се ослободат од употреба на „вештачките“ сокови и пијалоци и, наместо нив, да преминат на вода и на природни сокови без многу шеќер.
Заменете ја мрсната, висококалорична храна со овошје и зеленчук.
Најдобро би било воопшто да не јадете грицки, а ако веќе мора, тоа нека биде домашен чипс печен во рерна или суво овошје.
Наместо готови оброци послужете им свежо зготвени оброци.
Внесувањето јајца треба да се ограничи на пет пати неделно, а пожелно е да се намалат масното сирење, кремот и висококалоричните јаткасти плодови и семки.
Исто така, потребно е децата што почесто да јадат заедно со своето семејство бидејќи на тој начин ќе голтаат побавно и ќе научат да уживаат во оброкот.
Она што особено треба да го избегнуваат се оброците додека гледаат телевизија. Содржината ќе им го задржи вниманието, па ќе јадат повеќе отколку што навистина им е потребно.
