Како е во првата година од мајчинството?

Слични

Како да престанете да бидете сопруга која постојано се жали?

Како да престанете да бидете сопруга која постојано се...

Како и кога бебето почнува да го препознава своето име?

Како и кога бебето почнува да го препознава своето...

3 лесни начини за подобрување на исхраната на вашето куче

3 лесни начини за подобрување на исхраната на вашето...

Сподели

Како е во првата година од мајчинството?

За време на бременоста блиските лица нè советуваат како да се однесуваме со бебето кога тоа ќе се роди. Тогаш ги учиме техниките на дишење кои ќе ни помогнат при породувањето и читаме книги за родителството. Но, никој не ни кажува како, всушност, изгледа првата година од родителството и какви лекции носи таа со себе. Многу мајки изјавиле дека животот ќе им бил полесен ако некој искрено им кажел какви нови работи следуваат. Би биле свесни на што залудно трошат енергија и би ја заштедувале за своето новороденче.

Секој ден ќе биде различен

Овој факт значи отфрлање на грижите на совеста ако денот не ви е совршен. Невозможно е секој ден да имате исто ниво на енергија. Вашето бебе и вие ја прилагодувате енергијата во текот на првата година и затоа секој ден може да ви биде различен. Во некои денови ќе ги држите сите конци во рацете, додека во други ќе ви се случи некаков неред што се однесува до обврските.

majka-bebe

Не очајувајте. Крајната цел е да се усогласите со бебето и ќе стигнете да завршите сè навреме. Мајките ве советуваат да барате помош секогаш кога таа ви е потребна и слободното време да го искористите за одмор.

Вашето тело ќе биде несовршено

По породувањето на нашето тело му е потребно време за да биде повторно во форма. Затоа, престанете да пребарувате на социјалните мрежи и да ги погледнува привидно совршените тела на другите жени кои штотуку се породиле бидејќи секое тело е различно. Вие сте родиле дете, нова душа и во тој момент навистина не е важно дали имате некој килограм вишок, удари или лузни.

Потребно е време за да можат внатрешните органи да се вратат на своето место. Во овој период најважно е како вие се чувствувате. Кога лекарот ќе ви одобри, можете да започнете со вежбање за да го забрзате процесот на регенерација.

Вашето бебе не е како другите бебиња

Вашето бебе нема секогаш да се однесува онака како што пишуваат книгите. Не може да му се допаѓаат работи што му се пријатни на бебето на вашата сестра или на вашата пријателка. Секое бебе е личност за себе и така треба да му се пристапи. Научете да го слушате сопственото бебе наместо да ги слушате советите на оние околу вас.

roditel-dete

Поврзете се со вашето дете и верувајте се себеси, на вашата интуиција. Вие родивте дете и никој не може да се справи со тоа подобар од вас, ниту, пак, да чувствува што му е потребно во секое време. Ако детето е настинато или има некој друг здравствен проблем, тогаш вие, вашиот партнер и докторот сте единствените лица кои можат да му помогнат на соодветен начин.

Не потиснувајте ги лошите емоции

Не слушајте ги луѓето кои инсистираат да докажат дека мајчинството е лесно и едноставно. Ослободете се од потребата за лажна насмевка. Во најсреќните околности, човекот се заморува од работа и едноставно се чувствува лошо. Треба да се навикнеме на секоја промена.

Затоа, не потиснувајте ги лошите емоции водени од она што ви го кажуваат луѓето дека треба да блескате секој ден. Почитувајте се себеси и вашите чувства за да соберете сила за закрепнување и да можете да му овозможите соодветен третман на вашето новороденче.

Побарајте помош

Бидете свесни за вашите потреби и сфатете дека ако не се чувствувате добро, нема да бидете во состојба да му обезбедите соодветна грижа на вашето бебе. Затоа, одморете се и не срамете се да побарате помош. Не сте помалку вредна мајка ако ви помогне некој и ако се грижите за вашето бебе додека заспивате или кога посетувате фризер. Потребна ви е рамнотежа за да ги одржите менталната и физичката сила и да му пренесете позитивна енергија на вашето дете.

error: Content is protected !!