Седумдесет и пет годишната Аунг Сан Су Чи дојде на власт по убедливата победа на нејзината партија на парламентарните избори во 2015 година, кога Мјанмар за првпат во половина век доби цивилна влада.Таа е ќерка на херојот во борбата за независност, Аунг Сан, а поголемиот дел од својата младост ја помина во странство.
Во 1988 година, Аунг Сан Су Чи се врати во главниот град Јангон, да се грижи за нејзината мајка што беше пред умирање и им се придружи на студентските демонстрации против армијата што владееше со Мјанмар од пучот во 1962 година.
Како елоквентен говорник, таа беше веројатно кандидат за лидер на движењето, но протестите беа потиснати, неговите водачи беа убиени или уапсени, а самата Аунг Сан Су Су беше уапсена во нејзиниот семеен дом и беше во домашен притвор до 2010 година .
Таа беше наградена со Нобелова награда за мир во 1991 година, што нејзиниот постар син Александар ја доби во нејзино име.
Аунг отиде во Хаг во 2019 година за да одговори на обвинувањата против Мјанмар за геноцид пред Меѓународниот суд на правдата. Таа призна дека можеби се извршени воени злосторства, но воената акција ја опиша како легитимна воена операција против терористите.
Резултатите од парламентарните избори во ноември 2020 година покажуваат дека нејзината владејачка Национална лига за демократија освои доволно места во парламентот за да ја формира следната администрација. НЛД објави дека ќе се обиде да формира влада на национално единство.
По неколку недели расправија за изборните резултати, во кои беше вклучена армијата, во раните утрински часови на 1 февруари, Аунг Сан Су Чи, претседателот Вин Миинт и други високи функционери на владејачката партија беа уапсени.
