Колач со сладок компир и глазура од крем сирење.
Иако тиквата е ѕвезда на есенските задоволства, во приказната има простор и за друг играч.
Неговото име е сладок компир. Замислете ја само таа совршена комбинација на слатки и солени состојки на едно место, претставена во форма на торта со глазура од крем сирење. Идеална закуска за сите оние кои бараат нешто вкусно со кафе или чај во студените зимски денови.
ПОТРЕБНО:
Потребни состојки за прелив:
- 225 гр крем сирење
- 1 шолја шеќер во прав
- 2 лажички екстракт од ванила
- ½ чаши путер
- ¼ шолји кисела павлака
Потребни состојки за тортa:
- 1 поголем сладок компир
- 2/3 чаша неутрално масло
- 4 јајца
- 1 чаша кафеав шеќер
- 1 лажица рендана кора од портокал
- 360 гр бадемово брашно
- ¼ шолји сецкан захаросан ѓумбир
- 1 лажица мелен цимет
- 1 лажичка сода бикарбона
- 1 лажичка сол
- ½ лажичка мелено морско оревче
ПОДГОТОВКА:
За подготовка на глазурата со миксер измешајте крем сирење, шеќер во прав и екстракт од ванила. Важно е да нема грутчиња сирење. Потоа додадете го путерот и продолжете со матењето уште 2 минути. На крај додадете ја киселата павлака и сè измешајте. Се става во херметички сад и се чува во фрижидер до една недела.
За подготовка на колачот потребно е да се стави слаткиот компир во шерпата и да се прелие со ладна вода. Оставете ја водата да зоврие и варете додека компирот не омекне. Исцедете го и изладете го, а потоа излупете го и изгмечете го. Измерете околу 340 грама пире.
Во меѓувреме загрејте ја рерната. Намачкајте ја тавата за леб или обложете ја со хартија за печење. Во поголем сад изматете го пирето со растително масло, кафеав шеќер и кора од портокал. Од друга страна, во помал сад измешајте ги брашното од бадем, ѓумбирот, цимерот, содата и морското оревче. Во смесата со слатки компири додадете ги сувите состојки и сè соединете.
Истурете ја смесата во калап и печете околу час и 25 минути. Ако премногу пожолти, покријте го со фолија до крајот на печењето. Се лади 20 минути пред да се вади од калапот. Целосно изладено, премачкајте со глазура.
