Овесот одамна се користи во исхраната а исто така постепено влезе и во козметичката употреба поради своето благотворно дејство на кожата.
Овесот преставува ризница на витамин Б и Е и не само што е добар за нервниот систем туку е идеален за оние кои имаат кожни инфекции.
Оваа житарка е одлична за здравјето на нашето тело. Овесот е доста корисен и за смирување на воспаленијата на цревната флора која е проследена со дијареа.
Овесот делува смирувачки и за лечење на ревматизам но и на целокупниот нервен систем во стресни ситуации. Овесните снегулки се доста употребливи во исхраната и секогаш се конзумираат како каша за појадок со додаток од суво овошје. Меѓутоа чај од овесните зрна има многу моќно дејство. Поради огромната збогатеност со витамините Б и Е овесот ја освежува и збогатува кожата и ја прави оптимално хидрантна.
За да подготвите чај треба да ги измиете овесните зрна и да ги процедите. Потоа прелијте со вода и кога ќе зоврие тргнете го садот на страна и оставете така да отстои еден саат. После тоја процедете и испијте без засладувач.
Овесот помага и во лечење на акни. Ставете ги овесните снегулки во блендер и сето тоа нека биде добро изматено. Добиената смеса односно правта можете да ги чувате во сад кој не пропушта светлина но кога ќе сакате да си дозволите природен третман на лицето потопете во топла вода додека не добиете паста. Потоа очистете го лицето со добиената паста и измијте се со ладна вода.
Ако имате некои проблематични места нанесете ја пастата на тоа место и оставете да отстои неколку минути и потоа избришете се.
