Мексикански Такос со Пилешко? Фановите на мексиканската кујна сигурно знаат што се тако. Малите тортиљи од пченица или пченка, полнети со месо или зеленчук, се омилено јадење за многумина. Постојат навистина различни варијанти на полнење, а денес ви донесуваме рецепт за една од наједноставните, со вкусно маринирано пилешко и грав.
СОСТОЈКИ:
– 1 кг. пилешки гради
– 200 гр. варен црвен грав (може и од конзерва)
– мали тортиљи
ЗА МАРИНАДА:
– 2 лажички лута пиперка
– 2 лажички лук во прав
– 1 лажичка сенф
– 4 дл кечап
– 2 лажици јаболков оцет
– 2 лажици шеќер
– 1 лажичка сол
– ½ лажици мелен бибер
ПОДГОТОВКА:
1. Прво направете маринада со добро мешање на сите состојки во една голема чинија. Подгответе тавче или сад во кој ќе го испечете пилешкото и премачкајте го со малку масло. Измијте го пилешкото и исечете малку на површината со нож на неколку места, така да маринадата се апсорбира подобро.
2. Сега ставете го пилешкото во сад со маринада и добро премачкајте го со рацете. Потоа префрлете го во плех или сад за печење и додадете го остатокот маринада врз пилешкото.
3. Печете во рерна загреана на 190 степени Целзиусови околу 40 минути додека пилешкото не се карамелизира и убаво зарумени. Кога ќе заврши, со вилушка искинете ја на „јуфки“ или на помали парчиња. Додадете го зготвениот грав и промешајте.
4. Земете тортиља, наполнете ја со две лажици од филот и малку сос по желба. Најдобро павлака за готвење, која можете да ја збогатите со зачин како што е сецкан магдонос или малку копар.
СОВЕТ: Ако не сакате грав, можете да користите грашок или пченка. Можете исто така да ги комбинирате сите погоре по желба.
Пријате ручек!
