Национална изложба на уметничка фотографија „ Жените и фотографијата “

Слични

,,Жените и фотографијата” – Изложба која мора да ја посетите

Во чест на меѓународниот ден на жената, 8-ми Март,...

Најубавите цитати на влијателни жени низ историјата

Најубавите цитати на влијателни жени низ историјата. Сетете се на...

Сексот и градот доаѓа во декември! Погледнете ја најавата

Сексот и градот доаѓа во декември! Погледнете ја најавата HBO...

Сподели

Во чест на меѓународниот ден на жената 8-ми Март, Фото клуб Куманово во соработка со Центар за култура „Трајко Прокопиев“ ја организира националната изложба на уметнички фотографии  Жените и фотографијата.

Фото Клуб Куманово на творечки начин говори за ангажираното присуство на жената во светот на фотографијата и тоа го претвора во традиција.Ова е девето издание на изложбата во која се прикажани 50 фотографии од женската фотографска фела во Република  Македонија.

Меѓународниот ден на жената е потсетник да запреме – да го согледаме и славиме напредокот на жените низ историјата, која сведочи за борба на храбри и достоинствени жени со цел обезбедување на подобра позиција на жената во сите сфери на општеството. Жените прават револуција во осознавање на светот, која води кон рушење на поделбите, а со тоа и прифаќање на нови мислења и воспоставување на нови парадигми.

Жената отсекогаш била дел од светот на фотографијата, како муза, инспирација, но и како уметник и автор која преку фотографии има моќ да дејствува и да инспирира.

На изложбата застапени се две теми. Ставен е акцент на жената – нејзината појава и улогa во еден организиран визуелен облик кој заслужува внимание и слободна тема како простор за интерпретација на светот околу себе виден преку објективот на жените автори.

Разновидноста, актуелноста и автентичноста на нивните уметнички сваќања и толкувања, високиот степен на естетска свест ги чини рамноправни членови во оваа креативна дејност!

Фотографиите учествуваат во животот на идните генерации како предмети од визуелно емоционално и интелектуално исуство на они кои ги разгледуваат. Тие продолжуваат да ја емитуваат во себе пораката, експресивна енергија која ја втиснале нивните автори. Целта на изложбата е да се даде потик, поддршка, да се продолжи со активноста.

Изложбата ќе биде отворена на 5ти март во изложбениот салон на Центар за култура “Трајко Прокопиев“со почитување на здравствените протоколи. 

error: Content is protected !!