Сè повеќе луѓе се борат со алергии од храната што содржи глутен, а фабрички произведената е значително поскапа од обичната храна што содржи глутен. Во таа категорија спаѓаат и слатките, поради што решивме да споделиме со вас рецепт за многу едноставни колачи без глутен, кои не ни печат. Слатко и вкусно, веганско и без шеќер, совршено задоволство за сите вас кои сте на одредена диета.
ПОТРЕБНО- ЗА ОСНОВАТА:
- 3 чаши урми без семка
- 2 чаши бадеми
- ½ чаши какао во прав
- 2 лажички маслиново масло
- 2 лажички екстракт од ванила
- 1/3 лажица морска сол
- 1 чаша брусница
- 1 чаша грубо сецкани ореви
- 1 лажица вода
Прелив:
- 1/3 чаша какао во прав
- 1/3 чаша јаворов сируп
- 2 лажици стопено масло од кокос
- сушени ливчиња од роза за украсување (по избор)
ПОДГОТОВКА:
Поставете плех со хартија за печење. Во голема чинија измешајте урми, бадеми, какао во прав, вода, екстракт од ванила, маслиново масло и сол. Истурете ги состојките во плех за печење и рамномерно распоредете. На добиената смеса наредете ги брусниците и оревите и лесно притиснете ги. Преливот се прави во сад со средна големина со мешање какао во прав, јаворов сируп и кокосово масло. Преливот се додава преку добиената основа и на самиот крај е украсен со исушени ливчиња од роза. Пред сервирање, потребно е да го чувате плехот за печење во фрижидер најмалку 2 часа за да може тортата да се исече.
Пријатно!
