Плодови богати со калциум и магнезиум ја регулираат контракцијата на срцевиот мускул и на тој начин ја намалуваат можноста од појавата на инфаркт и други заболувања предизвикани со неправилна работа на срцето.
Лешникот претставува еден од најздравите продукти кои ни се достапни, истовремено лесно вклоплива со други прехрамбени продукти и еден од главните состојки во поголем број на јадења и од голем број бенефити за здравјето.
Во народната медицина од кората на лешникот се прави чај од кој се прават облози за отворени рани кои се настанати од проширените вени на нозете. Чајот е добар и како лековите средство против пролив а се користи и за лечење на хемороди.
Лешникот е богат со незаситени масти кои се корисни за кардиоваскуларниот систем. Големата количина на олеинска киселина во овие масти го намалува лошиот холестерол. Редовно внесување на лешник ја регулира работата на срцето и на целокупниот кардиоваскуларен систем и на тој начин ја намалува можноста од инфаркт.
Количество од сто грама на лешник може да задоволи 86 проценти од препорачаното дневно количество на витаминот Е. Витаминот Е штити од бројни кожни заболувања. Од причина што доаѓа летото ни се закануваат штетни ефекти од ултравиолетовото зрачење, опасност од појава на кожни болести и предвремено стареење, а за сето тоа како превенција ќе ни помогнат хранливите својства на лешникот.
Маснотијата од јаткастите плодови не дебелее како што се коментира во јавноста. Голем број нутриционисти се сложуваат дека умерената количина лешник на дневно ниво или пак 150 грама на неделно ниво е сосема доволно да се конзумира и истото ќе има позитивни ефекти на нашето здравје.
