30ти Јули со почеток во 21 часот:
“Концерт на Ori Dagan, jazz вокалист од Торонто, Канада”, лауреат на неколку Северно-Американски натпревари меѓу кои и GREAT AMERICAN SONG CONTEST, ќе настапи заедно со врвни Македонски Јazz инструменталисти: Трајче Велков – труба, Иван Иванов – тенор саксофон, Кирил Кузманов – алт саксофон, Сашко Николовски – тромбон, Гордан Спасовски – пијано, Зоран Костадиновски – гитара, Кирил Туфекчиевски – контрабас и Виктор Филиповски – тапани.
Овој проект со кој ќе се затвори овогодинешното издание на фестивалот Скопско Лето, претставува и Европска премиера односно промоцијата на новиот авторски албум
“Click Right Here” на вокалистот Ори Даган. Соработката е можност за заеднички перформанс на Jazz уметници кои се разликуваат во својата естетска позадина, карактеристично за проектите во организација на Канадскиот Музички Центар во Скопје при ПОЛИФОНИЈА и Davorius Productions на Давор Јордановски.
Проектите на ПОЛИФОНИЈА истовремено промовираат нов урбан амфитеатар на отворено, кај позадинскиот влез на East Gate во Скопје.
