Планинскиот велосипедизам станува се позастапен спорт во нашата држава каде постојат навистина прекрасни вон-теренски (off-road) и крос патеки. Велосипедската култура во Македонија последните години доживува подем, а вечосипедските патеки патеки се прават и надвор од урбаните средини, додека интересот за планински велосипедизам енормно расте.
Иницијалната каписла и еден од двигателите, но и тим кој ја зголеми популарноста на овој спорт е токму Крос Сајклинг од Куманово, кој е актуелен шампион во оваа спортска дисциплина и тим кој е домаќин на една од трките со најмодерна патека во околината на Куманово за која пристигнуваат пофални зборови , не само од луѓето од нашата држава туку и надвор од нашите граници.
Квалитетот на условите на патеката е потврда на одржување на една од трките од македонскиот шампионат, а на тежина добива и самата номинација и доделување на организација на меѓународна трка која ќе се одржи на 05.06.2022 година, Како тим и домаќин ќе ја имаме таа чест да ги угостиме најдобрите велосипедисти од Европа кои ќе имаа можност да се борат за бодови кои ќе им значат за висок пласман во меѓународни рамките.
Горди сме како тим и за нашиот напор вистински награди се величествените глетки, кои го запираат здивот и остануваат визуелен потсетник на возвишената убавина на природата на изобилството на флора и фауна типични за нашите краеви. Како клуб, исто така го поттикнуване развојот на велосипедски патеки во цела Македонија, како и на локалниот одржлив туризам на природните делови на секој град и секоја околина. Се е на природата и тебе.
Приклучи се, истражувај, тркај се и победи – тоа е нашето мото, а се надеваме дека ќе биде и Ваше.
Дознајте повеќе на официјалната веб страна на трката xcokumanovo.com
Погледнете едно видео од 2018-та година
