Ако штотуку започнавте врска со некого, веројатно е рано да изјавите љубов на вашиот партнер затоа што сè уште не се познавате доволно добро и веројатно мешате љубов и заљубеност.
Нема строги правила за тоа кога да се каже „Те сакам“. Но, ако се прашувате како треба да изгледа временската линија, еве неколку стручни мислења.
Што ти значи изјава за љубов?
Колку ќе чекате пред да објавите љубов кон некого, зависи од тоа што ви значи таа изјава.
– На некои луѓе им требаат неколку месеци, па дури и години да ја признаат својата љубов, затоа што веруваат дека тие зборови имаат големо значење и сакаат да чекаат додека не бидат целосно сигурни како се чувствуваат – вели психологот Карла Мери Менли.
– Сепак, некои луѓе го користат терминот „љубов“ прилично лесно и тие се подготвени да кажат „Те сакам“ по неколку недели.
Кога е рано да се каже „Те сакам“?
Веројатно е премногу рано да се каже „Те сакам“ ако не ја познаваш личноста толку добро, па веројатно мешаш љубов и за заљубеност Заљубувањето е силно чувство на привлечност и приврзаност кон некого, додека љубовта подразбира чувство на поврзаност и блискост со некого.
– Искрено да сакаш некого значи дека го гледаш таков каков што е и дека си подготвен да го прифатиш со сите свои доблести и маани – вели Менли.
Како и да е, може да почувствувате љубов неколку недели откако ќе ја запознаете личноста, тврди Менли, но и лиценциран брак и семеен терапевт Лекс Браун.
Браун вели дека станува збор повеќе за природата на времето поминато заедно отколку за времето поминато заедно.
– Кога ќе се појават трауматски настани и кога некое лице чувствува поддршка и грижа за својата „втора половина“, мозокот ослободува окситоцин и вазопресин, хормони кои ги тераат луѓето да сакаат долгорочни односи – вели таа.
Треба ли прво да го кажеш тоа?
Во принцип, ако две лица се сакаат, не е важно кој прв ќе објави љубов. Но, ако не сте сигурни дали вашиот партнер се чувствува исто како и вие, сепак можете да му кажете како се чувствувате – само внимавајте зошто го правите тоа.
Затоа, време е да кажете „Те сакам“:
- Вие го познавате вашиот партнер исклучително добро
- Ги препознавате недостатоците на вашиот партнер, но сепак го сакате
- Имавте значајни искуства заедно
- Разговарате меѓусебе за иднината на вашата врска
Кога не треба да го кажувате “Те сакам” за првиот пат:
- За време на сексот
- Кога сте пијани
- Преку порака
- Кога чувствувате притисок
- Кога сакате нешто од вашиот партнер и мислите дека изјавата за љубов ќе ви
- помогне да го добиете тоа што го сакате
