Психолозите откриваат што точно значи кога сонувате дека паѓате.
Постои научно објаснување зошто сонуваме дека паѓаме.
Претежно соништата и кошмарите се поврзани со некое повеќе или помалку трауматично искуство во реалниот живот, и поради тоа повторно доживуваме многу работи додека спиеме.
Некои од нив се одвиваат јасно пред нашите очи, а други преку симболика, објаснуваат психолозите кои веруваат дека ако се открие причината за ваквите соништа, потиснатите стравови и слични трауматски искуства ќе бидат појасни.
Сигурно ви се случило барем еднаш да се разбудите бидејќи чувствувавте дека паѓате.
Тогаш често вашето срце чука брзо, а после тоа можеби нема да ви биде лесно повторно да заспиете.
Психолозите дојдоа до заклучок дека сонот во кој паѓаме треба да се поврзе со ситуации во кои се чувствуваме предадено, без доволна поддршка.
Таков сон може да се случи и кога генерално сме разочарани во животот, кога ќе заврши емотивната врска или кога ќе не напушти пријател што не го очекувавме.
Во повеќето случаи, психолозите го толкуваат овој сон како „повик“ од нашата потсвест, со цел да се соочиме со нашите емоции и полесно да го надминеме искуството од напуштање.
