Рецепт за домашен кечап : Најпопуларниот сос во светот каков што не сте пробале досега.
Време е за подготовка на зимницата, а една од неопходните тегли на листата на многу домаќинки е домашниот кечап.
Септември е времето кога започнува големата подготовка на зимницата, а покрај кисели краставички, џемови и ајвар, најпопуларниот сос на светот – кечап – е се почест гостин на полиците во оставата.
Овој додаток на јадењата стана незаменлив дел од зимата, а рецептот што ви го носиме е ненадминлив за правење кечап дома.
Според историјата, овој сос, без кој е невозможно да се замисли пица или помфрит денес, беше откриен од британски истражувачи во Сингапур пред 300 години , но – верувале или не – тој рецепт не содржи домати.
Кечап каков што го знаеме и чија главна состојка е доматот се прави од 1820 година.
Состојки:
- 4 кг домати
- 1/2 кг кромид
- 3 чешниња лук
- 4 црвени пиперки
- 100 мл масло
- 1 лажичка мелен бибер
- 1 лажица сол
- 150 гр шеќер
- 1/2 лажички цимет
- 1 лажичка сушен мелен босилек
- 1 лажичка мелено оригано
- 125 мл јаболков оцет
Подготовка:
Ситно исечкајте го кромидот и лукот и динстајте во масло и малку вода 20 минути, додавајќи вода. Излупете го доматот, исечете го на мали парчиња и додадете го кромидот. Печете ја пиперката во рерна, излупете ја, исчистете ја од семиња и исечкајте ја, па истурете ја во шерпата.
Додадете сол, шеќер, бибер и цимет. Гответе го кечапот 90 минути на тивок оган. Потоа изматете се испасирајте со мисер, потоа додадете јаболков оцет, мелено оригано и босилек.
Гответе го кечапот уште еден час и половина , и ако сакате да биде погуст тогаш два часа.
Измијте тегли или шишиња во кои ќе истурите кечап и стерилизирајте ги во рерна или микробранова печка. Наполнете ги и затворете.
Пастеризација :
Земете шерпа, ставете кујнска крпа на дното, потоа наредете тегли и шишиња. Додадете вода, варете на пониска температура, оставете да зоврие, а потоа продолжете со готвењето уште 15 минути. Оставете се да се излади и потоа исушете ги шишињата.
