Рецепт за вкусна и сочна пита од зелка
Брза пита со зелка — вкус кој освојува. Исто така, можете да го направите во диетална варијанта со интегрално спелтино брашно.
Зелката изобилува со антиоксиданси и со витамин Ц и освен тоа што е здрава, таа е одлична и за подготовка на разни јадења бидејќи може да ја користите како главна состојка во многу специјалитети. Со неа можете да направите супи, мусака, пити. Зелката му дава идеален вкус на секое јадење, особено ако добро и убаво го зачините.
Ви претставуваме рецепт за пита со зелка. За подготовката на оваа пита не ви е потребно многу време. Комбинацијата на зелка со специјален прелив од јогурт и јајца ќе направи оваа пита да биде ваш избор за вкусен појадок или вечера. Сочно, меко и толку вкусно, што нема да можете да застанете само со едно парче. Можете да го направите и во диетална варијанта со интегрално спелтино брашно.
Рецепт за пита од зелка
Состојки:
- 500 гр зелка,
- кромид,
- сол, бибер,
- копар,
- 3 јајца,
- 200 гр јогурт,
- 150 гр спелтино брашно (бело),
- прашок за пециво,
- масло и
- сусам.
Подготовка:
Ситно исецкајте ја зелката за салата, потоа и кромидот и измешајте. Во смесата додадете зачин, бибер и сол. Во посебен сад измешајте јајца, брашно, јогурт и прашок за пециво. Мешајте со лажица, а потоа матете со миксер додека не добиете еднолична кремаста смеса. Додадете сол. Подмачкајте ја тавата со масло, потоа истурете ја смесата со зелка, а одозгора смесата со јајце. Посипете ја питата со семе од сусам. Печете околу 40 минути на 180 целзиусови степени. Уживајте во топлиот оброк.
Уживајте!
