На пазарите овие денови освен младиот лук, зелената салата и ротквиците можете да ја најдете и оваа намирница. Руколата е пребогата со антиоксиданси и како таква помага во одбрана од едноставните болести како што е настинката но и сериозните како ракот, срцевите заболувања и предвременото стареење.
Витаминот А со кој располага руколата гарантира подобрување на состојбата на коските, забите и очите. Докажано е дека соединенијата на флавоноидите во сличните билки на руколата ја штитат кожата, белите дробови и оралните шуплини од рак.
Руколата е исто така богата со витаминот К. Постепената деградација на нервните патишта како во случај со Алцхајмеровата болест може да се успори со внесување на овој витамин.
Руколата е преполна со витамини и минерали кои на некој начин ја зајакнуваат одбраната на имунолошкиот систем на организмот. Телото е стимулирано да создава повеќе бели крвни зрнца а руколата има и други бројни начини да ја подобри силата, издржливоста и функционирањето на вашиот имунолошки систем.
Ова зелјесто растение е одличен додаток во исхраната на бремените жени. Руколата е богата со фолна киселина а истата докажано ја намалува појавата на одредени ментални дефекти кај бебињата.
Конзумирањето на руколата е корисно поради содржината на витамините Б комплекс, кои порано беа познати како витамин Б, а сега ја сочинуваат групата од осум различни витамини, кои го поттикнуваат метаболизмот и здравјето на ќелиите. Б витамините учестуваат и помагаат во сите различни активности на ќелиите вклучувајќи го и производството на енегијата, синтезата на мастите, производството на црвените крвни зрнца и многу други витални процеси.
