Сочна торта од лешник и чоколадо подготвена без грам брашно.
Оваа торта со лешник и чоколада без брашно и шеќер е идеална за почетници бидејќи е лесна за подготовка и што е најважно – секој што ќе го проба ќе остане без зборови.
Состојки за чоколадна торта:
- 225 гр темно чоколадо
- 6 јајца
- прстофат сол
- 125 гр путер
- 400 гр пире од лешник
- 2 лажици рум
Чоколаден прелив:
- 100 грама темно чоколадо
- 250 мл шлаг
- неколку капки екстракт од ванила по желба
Подготовка:
1. Загрејте ја рерната на 180 степени.
2. Белките се одвојуваат од жолчките и во посебен сад со додавање малку сол се матат белките. Во друг сад измешајте ги жолчките, пирето од лешник и путерот.
3. Во смесата лесно додајте половина од белките, румот и растопената чоколада. Измешајте сè и додадете го остатокот од белките.
4. Тавата за торта се премачкува со малку путер и се посипува со лебни трошки или се обложува со хартија за печење и се истура смесата во калапот.
Оставете го колачот да се пече помеѓу 40 и 50 минути. По печењето оставете го да се излади.
Напомена: колачот мора да остане малку помек во средината. Ако користите трик со чепкалка за да бидете сигурни дека колачот е печен, погрижете се чепкалката да не излезе целосно чиста.
Подготовка на прелив:
1. Чоколадото се дроби и се топи на пареа. Посипете со слатката павлака, додадете неколку капки екстракт од ванила и измешајте додека не добиете цврста, кафена смеса.
2. Додека е уште топла смесата прелијте ја врз колачот.
Уживајте!
