Совети за деловни мајки за полесно „управување“ со времето
Вработените мајки знаат колку малку време им останува меѓу напредувањето во кариерата и грижата за семејството. Не треба да се откажувате од вашиот деловен успех. Едноставно, потребна ви е само поинаква организација на времето. Со соодветна организација, можете да се релаксирате поминувајќи време во топла бања, со омилено кафе или во разговор со пријателите. Релаксирањето на креветот звучи исто толку добро. Има толку многу работи што можете да ги правите во слободното време. Потребно е само да направите баланс меѓу сите обврски и да украдете неколку часа само за себе.
Од следните редови ќе научите како да го постигнете тоа.
Одвојте доволно време за спиење
Дајте им приоритет на вашите потреби за спиење за да можете да бидете продуктивни наредниот ден. Хроничната несоница води кон губење енергија и пад на имунитетот, а кога се чувствувате лошо, ништо друго не функционира.
Затоа, грижете се за себе и обезбедете му квалитетен сон на вашето тело за да можете да се справите со сите обврски што ве очекуваат. На возрасните им се потребни осум часа сон. Обидете се да си легнете околу 23 часот и да им ставите до знаење на вашите деца колку ви е важно тоа.
Воспоставете „здраво“ работно време
Пред да преземете нови обврски, погрижете се да имате слично работно време како работодавец. Ако новото работно место бара активности надвор од работното време, мора да се почитувате себеси и да му укажете на работодавачот дека имате приватен живот и ваши обврски.
Многу жени се сметаат себеси за слаби ако го почитуваат сопственото слободно време, имајќи го предвид фактот дека имаат премногу обврски околу семејството и домот. Ставете се себеси на прво место, а работодавецот кој го цени вашиот квалитет нема да ве остави толку лесно.
Научете да кажувате „НЕ“
Децата лесно се навикнуваат на удобноста во домот и уживаат во безбедноста додека вие правите сè за нив. Запомнете дека доброто воспитување бара обврски и чувство на одговорност. Вклучете ги вашите деца во домашните работи. Како задача доверете им го одржувањето на куќата додека сте на работа.
На тој начин ќе си обезбедите чист мијалник кога ќе се вратите од работа. Тоа ќе ви овозможи да имате малку слободно време. Запомнете дека патот нема да биде лесен. Децата повторно ќе ве стават во искушение и ќе избегнуваат задачи, но со вашето „НЕ“ ќе научат да бидат одговорни и побрзо да созреваат.
Поставете си остварливи цели
Често, чувствата на анксиозност и на депресија се јавуваат кога си поставуваме недостижни цели. Почитувајте го вашето тело и ум и поставете прифатливи задачи кои ви оставаат простор за одмор. Преку поставување на вакви задачи ќе научите како да ја победите помошта и да го вклучите вашето семејство во закажување финансии, мали поправки и самостојно учење. Навистина е важно да најдете време да си играте со децата, да се опуштите, да поминете време во природа или да лежите во кревет. Обврските доаѓаат и си одат, а спомените остануваат вечно.
Откажете се од совршенството
Не постои совршенство и не можеме да го постигнеме. Тоа е факт со којшто се среќаваме порано или подоцна. Ваша обврска е да го зачувате вашето здравје затоа што само здрави и среќни можете да бидете со вашите деца и да учествувате во нивниот раст и развој. Затоа, не нервирајте се ако кујната и бањата не се совршено уредени или ако не сте поднеле деловен проект пред предвидениот рок.
Важно е да се чувствувате добро во вашата кожа.
Ограничете го времето поминато на интернет
Кога фаќаме момент за себе, најчесто го поминуваме на интернет. Психолозите нагласуваат дека, забавувајќи се со содржината на Инстаграм, ги игнорираме нашите фрустрации и проблеми. Попрактично и попродуктивно е да медитираме или, едноставно, да се опуштите пред спиење и да уживаме во тишината. На овој начин добиваме позитивна енергија која ни дава волја за работа и за постојан напредок.
Веруваме дека овие совети ќе ви бидат корисни и дека ќе можете да му одолеете на набиениот распоред.
