Што ќе се случи во телото ако не внесете шеќер 14 дена?
По консумирањето, шеќерот се распаѓа на фруктоза и гликоза, кои се незаменлив извор на енергија. Шеќерот е неопходен е за добро функционирање на мозокот и на другите витални органи.
Ако ни недостига гликоза во организмот, веднаш се појавува поспаност, замор и раздразливост.
Од друга страна, ако редовно консумирате големи количества шеќер, ризикувате да заболите од многу болести како што се акни и дијабетес, а постои и голема веројатност да ви се појави проблем и со дебелината.
Според статистичките податоци, секој човек внесува, просечно, повеќе од дваесет лажици шеќер дневно, а тоа е повеќе од 400 дополнителни калории.
Од овие причини нутриционистите советуваат гликозата да се внесува преку овошје, мед или јаткасти плодови, но не и од храна која содржи рафиниран бел шеќер.
Ако го исфрлите белиот шеќер за период од две недели, освен што ќе ја регулирате тежината, ќе забележите уште една промена во телото, која ќе се манифестира токму преку кожата. Вашата кожа видно ќе блеска. Дерматолозите тврдат дека редовното консумирање шеќер, кој е отров за кожата, ја зголемува веројатноста за предвремено стареење, брчки и акни. Причината за ова е тоа што шеќерот го попречува природното производство на колаген, кој делува на нашата кожа и овозможува таа да изгледа свежо и еластично.
