Што се случува во телото ако нагло престанеме да пиеме кафе, и што ако претераме?
Со некои навики треба да бидете умерени.
Невозможно е многумина да замислат да го започнат денот без кафе, бидејќи не буди, ја подобрува концентрацијата и расположението и ја зголемува издржливоста.
Покрај бројните придобивки, кафето предизвикува зависност, поради што многумина одлучуваат да престанат да го консумираат овој пијалок.
Меѓутоа, ако престанете да пиете кафе „преку ноќ“, можете да направите повеќе штета отколку добро за вашето тело.
Кога телото одеднаш го исфрла кофеинот, може да настанат главоболки поради неговиот недостаток.
Покрај тоа, ненадејното намалување на кофеинот може да резултира со тешкотии во концентрацијата, па затоа е препорачливо наизменично да пиете обично и без кофеин, додека постепено не се префрлите целосно на кафе без кофеин.
Умерените количини на кафе може да придонесат за зачувување на здравјето на мозокот, додека од друга страна, прекумерната потрошувачка на кафе е штетна.
Како треба да се пие кафе и во кои количини?
Една неодамнешна студија покажа дека пиењето повеќе од шест шолји кафе дневно е поврзано со зголемен ризик од деменција за неверојатни 53 проценти.
За здрави возрасни лица, 400 милиграми кофеин дневно се сметаат за безбедни, што е приближно четири чаши.
Исто така, кафето не треба да биде премногу слатко. Една студија од 2019 година покажа дека прекумерната потрошувачка на шеќер кај постарите лица е поврзана со лоши когнитивни функции. Мажите не треба да внесуваат повеќе од девет лажички екстра шеќер дневно, а жените повеќе од шест.
Исто така, се препорачува да не пиете кафе доцна попладне, бидејќи може да предизвика нервоза и да спречи релаксација пред спиење. Затоа, кофеинот треба да се избегнува најмалку шест часа пред спиење.
