Феноменален стан во Лос Анџелес со поглед кој го одзема здивот
Доколку сакате малку повеќе од луксуз, задолжително „прошетајте“ низ прекрасниот, интересен и феноменален стан со поглед кој го одзема здивот. Терасата е навистина остварување на сонот, но мора да видите и камин направен од дебел природен слој на камен.
Ова гламурозно место за живеење се наоѓа во Лос Анџелес и навистина потсетува на домот на холивудска ѕвезда. Пространата тераса со бел мебел нуди панорамски поглед на градот – замислете само да пиете кафе секое утро на таква тераса и да уживате во волшебниот поглед …
Како и многу домови и апартмани во Лос Анџелес, и овој има базен, а искуството е уште попосебно бидејќи базенот нуди бесконечен поглед на ЛА. Нè маѓепса стаклениот ѕид на терасата што го рефлектира прекрасниот зелен предел.
Камин направен во камен плочи и поглед на осветлениот град – воодушевување
Внатрешноста е украсена во совршена хармонија на еклектичен стил, рустикален, рококо, модерен и некои други, што докажува дека разликите можат да работат совршено заедно и да се надополнуваат едни со други.
(Фото: Living4media)
Бањата со црна када е концепт на висока елеганција, додека атмосферата во дневната соба навечер се претвора во чиста магија. Покрај каминот направен од природен сив камен, погледот на осветлениот град низ стаклените sидови не остава зборови.
За крај, овој феноменален стан во Лос Анџелес навистина изгледа како совршено место за живеење.
