Тој претставува елексир на здравјето и виталноста.
Покрај тоа што има магичен вкус, доматот е моќен чувар на вашето здравје.
Иако првата асоцијација со доматите е салатата, овој зеленчук е многу повеќе од тоа.
Доматот е полн со растителни влакна, витамини, минерали и фитонутриенти и затоа е незаменлив на секоја маса.
Богат е со витамини Б6, Ц и К , содржи бета каротен , биотин, ниацин, калиум , фосфор, калциум, железо , цинк и селен , како и многу органски киселини како што се лимонска и јаболкова, кои го одредуваат карактеристичниот вкус на доматите.
Поради високата содржина на антиоксиданси, доматот е вистински елексир на здравјето.
Комбинираното дејство на железо и витамин Ц , кои го содржат доматите, помага во синтеза на хемоглобин и создавање на нови црвени крвни зрнца, со што помага да се спречат или третираат разни видови на анемија .
Бидејќи содржи витамин Ц, калциум и фосфор, доматите се многу добри за здравјето на коските и забите .
Доматот ја подобрува работата на срцето помагајќи да се намали крвниот притисок поради високата содржина на калиум. Исто така, ја спречува оксидацијата на холестеролот, што е еден од првите чекори во формирањето на атеросклеротични плаки.
Ликопенот , кој се наоѓа во доматите, ја подобрува способноста на кожата да се заштити од штетните УВ зраци. Бидејќи е богат со витамини А и Ц , го прави корисен со намалување на стареењето на кожата и отстранување на несовршеностите на кожата.
Високата содржина на калиум и фосфор во сокот од црвен домат помага да се ублажат симптомите на стрес и замор , како и да се ублажат грчевите во мускулите .
За да ги искористите лековитите својства на доматите, можете да ги јадете свежи или варени во различни јадења.
