Три намирници кои треба да ги избегнуваме пред 10 часот.
Здравата избалансирана исхрана е исклучително важна за здравјето, но и за добар физички изглед.
Како што се приближува летото, време е да се грижиме за храната што ја внесуваме во организмот. Нутриционистите советуваат дека не треба да го прескокнуваме појадокот, но исто така нè предупредуваат што не треба да консумираме пред 10 часот наутро.
Путер
Иако содржи многу витамини, од кои најважни се А и Е, покрај здравите масти, содржи и многу заситени масти, што може да има штетно влијание врз срцето и крвните садови и да придонесе за гоење. Наместо тоа, нутриционистите предлагаат путер од кикирики затоа што го намалува чувството на глад.
Јогурт со малку маснотии
Ние претпочитаме „лесна“ храна ако сакаме да изгубиме тежина, но тоа не е секогаш добра одлука. Експертите тврдат дека млечните производи со малку маснотии не содржат доволно протеини, а покрај тоа, поради малиот процент, побрзо се чувствуваме гладни. Истражувањата покажаа дека јогуртот со поголем процент на маснотии придонесува за слабеење.
Исцеден сок
Нутриционистите тврдат дека повеќето овошни сокови содржат иста количина шеќер како и купениот сок, што ги прави еден од најлошите избори за појадок и консумација воопшто. Една од причините што внесувањето сокови не придонесува за слабеење е тоа што многу луѓе не чувствуваат дека внеле нешто во организмот се додека не џвакаат храна, па затоа брзо сакаат да јадат нешто специфично.
