Вака учењето странски јазици влијае на мозокот на детето.
Децата кои зборуваат два јазика имаат поактивен мозок, што доведува до значителна когнитивна предност во однос на врсниците кои зборуваат само на нивниот мајчин јазик.
Покрај тоа што влијае позитивно на мозокот на здрави луѓе, двојазичноста има и корисен ефект врз луѓето кои страдаат од невролошка патологија, како што е Алцхајмеровата болест.
Според студијата на докторанд на Универзитетот во Гент (Белгија), Ева Вуманс, во која биле вклучени 54 деца од предучилишна возраст, кои ги поделила во две групи, докажан е позитивниот ефект од учењето странски јазик. Имено, таа ги подели децата на исто ниво на интелигенција и јазичен развој во две групи, од кои едната посетуваше часови на два јазика (француски и холандски), додека другата имаше часови само на нивниот мајчин јазик.
По една година ваков режим, студентот на докторски студии ги спореди тестовите за интелигенција на децата од двете групи, што докажа дека резултатите од децата кои посетувале настава на два јазика биле подобри.
