Секоја форма на тело има определни вежби. Проверете кои најдобро ќе одговараат на вашата градба и искористете ги триковите кои ги користат славните холивудски дами од нивните лични тренери.
Кога претеруваме со мрсна храна, слатки и алкохол за време на празниците, секогаш постои изговор: „не е важно, ке вежбам повеќе после празници“.
Пред да одите во теретана и да започнете со тренинзи и диети, проучете го вашето тело и откријте кои вежби ќе ви донесат најдобри резултати.
Круша
Тело: нагласени колкови, задник и бутови каде лесно се акумулираат масни наслаги.
Познати дами: Бијонсе, Ријана, Џенифер Лопез.
Вежби: Одење по угорница и трчање. Вежби со кратки и интензивни интервали за долниот дел од телото, кои согоруваат калории и го забрзуваат метаболизмот како разни видови на сквотови.
Јаболко
Тело: тенки нозе и тесни колкови. Масните наслаги се акумулираат претежно околу половината и горниот дел од телото.
Познати дами: Кетрин Зета-Џонс, Мелани Грифит, Дру Баримур.
Вежби: Интервален тренинг, кардио вежби како трчање и возење велосипед кои согоруваат калории. Понапорни и посилни вежби за долниот дел од телото. Избегнувајте вежби со тешка тежина на горниот дел од телото.
Песочен часовник
Тело: тесен струк, нагласени гради и колкови. Акумулацијата на масни наслаги е иста во сите делови.
Познати жени: Кејт Винслет, Софија Вергара, Салма Хајек.
Вежби: трчање, танцување и интензивен кардио-васкуларен тренинг. Бидете внимателни со исхраната и драстичните диети за да не ги изгубите природните облини.
Цевка
Тело: мали гради, тесни колкови и малку нагласена половина.
Stвезди: Тејлор Свифт, Кира Најтли, Ема Вотсон.
Вежби: Зголемен внес на протеини и зајакнување на мускулната маса. Комбинирање на благи кардио вежби и посилен тренинг за сила за целото тело, со цел да се зголеми мускулната маса.
