Вкусот на есента. Сочна пита од тиква која ги буди сите сетила (рецепт).
Направете вистинско уживање за есенските денови.
Октомври не може да се замисли без тиква, која можете да ја искористите за разни слатки рецепти.
Овој пат ви предлагаме да направите сочна пита од тиква, која е идеален десерт за време на есенските денови.
Состојки :
- 500 гр кора за пита,
- 1 кг тиква што треба да се ренда,
- 4—6 лажици гриз и шеќер,
- 3 лажици масло,
- шеќер во прав за посипување,
- цимет.
Подготовка:
За почеток одвојте 3 кори за пита. Првата кора попрскајте ја со масло, потоа и втората и посипете со шеќер. На третата кора ставете рендана тиква и посипете со шеќер, гриз и цимет.
Потоа завртете ги краевите на кората навнатре, па виткајте ги малку поцврсто.
Повторете ја постапката сè додека не се потрошат сите кори.
Ставете ја питата во плех обложен со хартија за печење. Наросете ја со малку масло и печете ја во загреана рерна на 180 степени околу 20 минути или додека не порумени.
Покријте ја испечената пита со сува крпа и исечете ја само кога малку ќе се излади. По желба посипете со шеќер во прав.
Уживајте!
. Направете вистинско уживање за есенските денови.){kind=link}