Запознајте го музичарот Давор кој би го променил светот на подобро со огромна љубов и инструмент за секое дете

Слични

Сподели

На годинешното затворање на престижната манифестација Скопско лето имавме чест да се запознаеме со еден учесниците, Давор Јордановски,  член на групата Вода.

Добитник е на најпрестижната награда Марти Авард (Marty Award) за најдобар инструменталист. Тој и неговата група Вода предизвикуваат слушателот да се „нурне“ во древни звучни предели, замислени со модерен вкус. Групата Вода е динамична и флуидна, по стил, мелодија и по звук.

Последно дело со негов потпис е аранжманот на песната Вистина на Мартинијан Кириловски, која беше на второто место на годинешниот фестивал „Макфест“ во Штип.

А сега повелете и уживајте во интересните прашања и искрените одговори на Давор.

FLIP: Кој би бил насловот на Вашата автобиографија?

Д.Ј.: Давор.

FLIP: Како би му ја опишале Вашата професија на едно љубопитно дете?

Д.Ј.: Овозможувам тишината да биде поинтересна.

FLIP:  Опишете ни го Вашиот живот преку наслов од филм или песна и кажете ни зошто се одлучивте токму за тој наслов.

Д.Ј.: Десир (Давор Јордановски) затоа што сум постојано вљубен во животот.

FLIP: Која точка од светот прави да се чувствувате посебен и зошто?

Д.Ј.: Охрид. При секоја посета на Охрид езерото ме поздравува.

FLIP: На што мислите кога сте сами во Вашиот автомобил?

Д.Ј.: На ништо.

FLIP: Замислете дека имате брод. Како би го нарекле својот брод? Кое име би му го дале и зошто го избирате токму тоа име?

Д.Ј.: E = Fb (затоа што светот е унисон — едногласен).

FLIP: Замислете дека имате можност да отворите добротворна организација. За што би служела таа?

Д.Ј.: Би сакал на секое дете во светот да му подарам музички инструмент в раце.

FLIP: На која тема би можеле да одржите 20-минутен говор со презентација, без никаква подготовка?

Д.Ј.: На музика.

FLIP: Која е најинтересната личност со која сте се запознале и со која сте разговарале?

Д.Ј.: Quinsy Jones.

FLIP: Како ги потрошивте парите од Вашата прва плата (првиот проект)?

Д.Ј.: Му купив велосипед на брат ми.

FLIP: Кое беше последното нешто за кое навистина се возбудивте?

Д.Ј.: Кога слетав во Македонија.

FLIP: Која е најдобрата локација за целосно уживање со добра шолја кафе?

Д.Ј.: Не е важна локацијата.

FLIP: За каква чудна работа имате носталгија?

Д.Ј.: За носталгијата.

FLIP: На која личност од светот најмногу ѝ се восхитувате?

Д.Ј.: На светот.

FLIP: Кој би Ве играл во филмот од Вашиот живот?

Д.Ј.: Dustin Hoffman.

FLIP: Што мириса подобро: свежо исечена трева или печен леб во рерна?

Д.Ј.: Свежо исечената трева.

FLIP: Од што би било најтешко да се откажете?

Д.Ј.: Од музиката.

FLIP:  Која е вашата лозинка за Wi-Fi?

Д.Ј.: Мојата љубов.

FLIP: За што ќе бидат носталгични луѓето за 50 години?

Д.Ј.: За 49-тата година.

FLIP: Замислете дека сте десерт. Каков десерт би биле?

Д.Ј.: Чоколадо.

FLIP: Како да свртиме кон подобро?

Д.Ј.: Со љубов, со огромна љубов.

error: Content is protected !!