Зошто бебето се смее додека спие?
Ништо не може да се спореди со чувството на радост што нè обзема кога гледаме бебе насмеано во сон. Дали знаевте дека бебињата се смеат уште пред да се родат?
Тој магичен момент обично се случува додека бебињата спијат. Родителите тогаш размислуваат и се прашуваат самите себе. Дали бебињата сонуваат? Дали се сеќаваат на времето поминато во утробата на нивната мајка? Најдовме интересни информации за тој магичен извор на радост — насмевката на бебето.
Бебињата се смеат уште пред да се родат
Ако сте имале среќа да го видите вашето бебе како се смее на ултразвук, немојте да мислите дека тие имаат насмевка. Една студија која проучувала повеќе од 500 бремени жени користејќи 4Д ултразвук, покажала дека дури 31 фетус се насмевнал.
Сите се насмевнале во просек по 3,21 секунда. На овој начин научниците утврдиле дека спонтаните насмевки се појавуваат дури и додека бебињата сè уште се во утробата, дури и пред нивното раѓање.
Благодарение на развојот на новите технологии кои ни овозможуваат да ги ѕиркаме бебињата во утробата на нивните мајки за да видиме што се случува таму пред раѓањето, стана возможно да се открие дека и фетусите зеваат, веќе 18 недели по зачнувањето. Околу 26-тата недела од бременоста тие можат да се смеат, да трепкаат, па дури и да плачат. Овие изрази на лицето се, претежно, рефлекси кои се развиваат како еден вид подготовка за моментот на раѓање.
Првите насмевки се рефлексивни
Како што споменавме погоре, овие реакции што ги прави бебето во матката се сметаат за рефлексивни. Тие се непосреден одговор на стимулот, а во случајот кај бебињата тоа обично е чувство на внатрешна благосостојба. За разлика од многумина од нас, многу е веројатно дека бебињата, всушност, не се свесни дека се смешкаат. Од таа причина, зборуваме за ненамерно движење на мускулите.
Вистинско време за насмевка
За време на спиењето новороденчето нормално поминува низ две фази на спиење: активен и длабок сон. Се смета дека активната фаза, позната и како РЕМ фаза, која означува брзо движење на очите, е предизвикана од интензивна активност на мозокот. Ова се случува приближно по 60 или 90 минути откако бебето заспива, но спиењето се одвива во циклуси, така што РЕМ фазата ќе се менува со длабок сон. Меѓутоа, за време на спиењето во оваа фаза најверојатно ќе видиме како бебињата се смешкаат, прават гримаса или ги истегнуваат нозете.
Насмевка како одговор
Бидејќи не можат да зборуваат, насмевката и плачот се основните средства за комуникација на бебето. Тоа е точно барем во првите моменти по раѓањето. Сепак, имајте на ум дека некои истражувања успеаја да докажат дека бебињата се социјални суштества со денови, па дури и часови по раѓањето. Тоа е причината зошто нивните насмевки можат да бидат одговор на позитивни чувства или смирувачки чувства како што е, на пример, милувањето на образот. Пријатни стимули како што се познати гласови, мириси и вкусови, исто така можат да измамат насмевка кај бебето.
Новороденчето не сонува, но има меморија
И додека гледаме како бебето спие цврсто, често забележуваме како се насмевнува, но тоа не мора да значи дека бебето сонува, дури и ако ни се чини така. Всушност, ова е речиси невозможно, со оглед на тоа што новороденото бебе сè уште нема доволно искуство за паметење, ниту пак способност да замислува, а неговиот мозок продолжува да расте за да го достигне тоа.
Спиењето во првите недели од животот има многу специфични и важни функции меѓу кои се вклучува помагањето на бебињата да го развијат мозокот, да обработуваат информации и да ја зајакнат меморијата, која почнува да се формира во матката. Тоа, всушност, може да се докаже со набљудување како бебињата ги препознаваат гласовите на мајката и на таткото само неколку часа по раѓањето.
